پٹرول اور ڈیزل کی قیمتوں میں آج بھی اضافہ ہوا۔پٹرول 29 پیسے جبکہ ڈیزل 19 پیسے فی لیٹر مہنگا ہوا۔اسطرح دہلی میں فی لیٹر پیٹرول کی قیمت 72 روپئے71 پیسے جبکہ ڈیزل کی قیمت 66 روپئے 1 پیسہ ہوگئی ہے۔گذشتہ تین دنوں کے دوران پٹرول کی قیمتوں میں 68 جبکہ ڈیزل کی قیمتوں میں 58 پیسے کا اضافہ ہوا ہے۔سعودی عرب میں تیل کی تنصیبات پر ہوئے حملے کے بعد عالمی بازار میں خام تیل کی قیمتوں میں اضافہ کا اثر پٹرولیم مصنوعات پرپڑرہا ہے۔
انڈین آئل کی ویب سائٹ کے مطابق کولکاتہ ، ممبئی اور چنئی میں پٹرول کی قیمتیں بالترتیب 75.43 ، 78.39 روپئے اور 75.56 روپئے فی لیٹر ہوگئی ہیں۔ تینوں میٹروشہریوں میں ڈیزل کی قیمتیں بھی بالترتیب 68.42 روپئے ، 69.24 روپئے اور 69.77 روپئےفی لیٹر ہوگئی ہیں۔
پٹرول۔ ڈیزل کی قیمتیں ہر دن بڑھتی رہتی ہیں۔ پٹرول۔ ڈیزل کی نئی قیمت صبح 6 بجے سے نافذ ہو جاتی ہے۔ ان کی قیمتوں میں ایکسائز ڈیوٹی، ڈیلر کمیشن سب کچھ جوڑنے کے بعد ان کی قیمت تقریبا دوگنی ہو جاتی ہے
