بیروت : لبنان سے تعلق رکھنے والے تین حقیقی بہنوں کی ایک ہفتہ قبل پراسرار گمشدگی کے بعد ان کی نعشیں شام کے ساحلی شہر طرطوس میں سمندر کے کناریسے برآمد ہوئی ہیں۔ایک لبنانی سیکیورٹی عہدیدار نے لاپتہ ہونے والی لڑکیوں کی نعشیں ملنے کی تصدیق کی ہے۔ ان کا کہنا ہیکہ لڑکیوں کے سمندر میںڈوبنے کے واقعے کی تحقیقات کی جا رہی ہیں۔خیال رہیکہ گذشتہ پیر کو شمالی لبنان کے علاقے بزیزا سے تعلق رکھنے والے ایک خاندان نے تین نوجوان لڑکیوں جو آپس میں حقیقی بہنیں بھی ہیں کی گم شدگی کی رپورٹ درج کرائی تھی۔ سماجی رابطوں کی ویب سائٹ ‘فیس بک’ پر ان کی تصاویر بھی پوسٹ کی گئیں تاکہ ان کی شناخت میں مدد مل سکے۔لبنان کے ایک سیکیورٹی ذمہ دار نے بتایا کہ سوشل میڈیا کے ذریعے وائرل ہونے والی تصاویر کے مطابق لبنان میں لاپتا ہونے والی لڑکیوںکی شناخت کرلی گئی ہے۔ ان کا کہنا تھا کہ تینوں لڑکیوں کی لاشوں کی واپسی کے لیے شامی حکام کے ساتھ بات چیت جاری ہے۔ان کا کہنا تھا کہ تینوں لڑکیوں کی نعشیں پوسٹ مارٹم کے عمل سے گذاری گئی ہیں۔ پوسٹم مارٹم سے لگتاہے کہ ان کی موت سمندر میں ڈوبنے کے نتیجے میں واقع ہوئی ہے۔ لبنان میں ڈونے والی لڑکیوں کی نعشیں سمندری لہروں کے ذریعے بہتے ہوئے طرطوس کے ساحل تک پہنچ گئیں۔