واشنگٹن: امریکہ میں پٹرول کی قیمتوں میں کافی اضافہ ہوگیا ہے اور ایک ماہ کے دوران پٹرول 60 سینٹ سے زائد مہنگا ہوکر تاریخ کی بلند ترین سطح پر پہنچ گیا ہے ۔دریں اثنا امریکی ریاست ایلینوائے کے شہر شکاگو میں ایک امریکی تاجر نے 2 لاکھ ڈالر یعنی تین کروڑ روپے سے زائدکا پٹرول مفت عوام کو دینے کا اعلان کردیا۔ اس اعلان کے تحت شہرکے 50 اسٹیشنز پرکوئی بھی شخص 50 ڈالر تک کا پٹرول حاصل کرسکتا تھا۔ اعلان ہوتے ہی اسٹیشنز پر فری پٹرول بھروانے والوں کا ہجوم امڈ آیا،گاڑیوں کی قطاریں لگنے سے اطراف کی سڑکیں بند ہوگئیں۔ غیرملکی میڈیا کے مطابق امریکہ میں فی گیلن پٹرول کی قیمت 4 ڈالر 63 سینٹ تک پہنچ گئی ہے۔پٹرول مہنگا ہونے کی وجہ کورونا میں کمی کے بعد معاشی سرگرمیوں میں تیزی، روس اور یوکرین جنگ اور امریکہ میں تیل کی لائن کے ایک بڑے معاہدہ کی منسوخی بتائی جارہی ہے ۔
