جنیوا، 5 جولائی (سیاست ڈاٹ کام ) تیونس کے سمندری خطے میں مہاجرین سے بھری ایک کشتی کے ڈوب جانے سے اس میں سوار 80 سے زائد افراد کے مارے جانے کا خدشہ ظاہر کیا جارہا ہے ۔ اقوام متحدہ کا ادارہ برائے مہاجرین ( یو این ایچ سی آر ) نے جمعرات کو یہ اطلاع دی ۔ اس حادثے میں بچ گئے لوگوں کے حوالے سے یو این ایچ سی آرنے بتایا کہ یہ حادثہ چہارشنبہ کی شب کو پیش آیا ۔ وہاں سے گزر رہے تیونس کے ماہی گیر وں نے چار مہاجرین کو بچایا اور کنارے پر لائے جس میں سے ایک کی بعد میں موت ہو گئی ۔ تیونس کے جارجس میں دو مہاجرین کی امداد کی جا رہی ہے جبکہ ایک مہاجر کاہاسپٹل میں علاج چل رہا ہے ۔ یہ کشتی بحیرہ روم پار کرکے اٹلی کی طرف جا رہی تھی ۔