تیونس سٹی : تیونس میں صدر کے اقتدار پر مکمل قبضے کے خلاف ہزاروں افراد نے مظاہرہ کیا۔ اس کے دوران کئی مقامات پر پولیس کے ساتھ جھڑپوں میں کئی افراد زخمی ہو گئے۔ دارالحکومت تیونس سٹی میں ہونے والے احتجاج میں شرکا نے سرکاری عمارت کی طرف جانے کی کوشش کی،جس پر سیکورٹی اہلکاروں نے انہیں روک دیا۔ واضح رہے کہ تیونس میں صدر قیس سعید نے وزیراعظم کو برطرف اور پارلیمان کو معطل کر کے سارے اختیار ت اپنے پاس رکھے ہوئے ہیں۔ صدر نے حالیہ دنوں ایک خاتون کو وزیراعظم نامزد کیا تھا تاہم وہ بھی ابھی تک حکومت بنانے میں کامیاب نہیں ہو سکیں۔
