نئی دہلی ۔ معروف ہندوستانی ٹینس اسٹار ثانیہ مرزا نے اپنا یوٹیوب چینل بنالیا ہے اور اس بارے میں انہوں نے مداحوں کو اپنے انسٹاگرام اکاونٹ پر بتایا ہے۔ثانیہ مرزا نے اپنی انسٹااسٹوری پر مداحوں کو اپنے یوٹیوب چینل کے بارے میں بتاتے ہوئے لکھا کہ میں اپنا یوٹیوب چینل شروع کرنے کے بارے میں سوچ رہی ہوں !انہوں نے مداحوں سے سوال کرتے ہوئے لکھا کہ کیا آپ لوگ میری زندگی کے بارے میں جاننا پسند کریں گے؟ ثانیہ مرزا نے مداحوں سے اپنے یوٹیوب چینل کے بارے میں رائے پوچھتے ہوئے انسٹا اسٹوری اپنے نئے یوٹیوب چینل کا لنک بھی شئیرکیا ہے۔ثانیہ نیابھی تک اپنے یوٹیوب چینل پر صرف تین ویڈیوز شیئر کی ہیں جبکہ ان کے سبسکرائبرز کی تعداد مسلسل بڑھ رہی ہے جو کہ اس وقت1ہزار سے زائد ہوچکی ہے۔
