نئی دہلی: G-20کے رکن ممالک کے ترقیاتی امور کے وزراء کی کانفرنس 12 اور 13 جون کو وارانسی میں منعقد ہوگی۔وزارت خارجہ کے مطابق G-20ترقیاتی وزراء کی کانفرنس میں ہندوستان کی نمائندگی وزیر خارجہ ایس جے شنکر کریں گے ۔ ہندوستان کی صدارت میں مختلف مسائل پر G-20کے رکن ممالک کے دو سو سے زیادہ اجلاس منعقد کیے جا رہے ہیں، جن میں سے کم از کم چھ اجلاس وارانسی میں ہونے والے ہیں۔ اس وقت 100 سے زائد ملاقاتیں ہو چکی ہیں۔ جموں و کشمیر کے سری نگر میں سیاحت سے متعلق ایک میٹنگ کا اہتمام کیا گیا ہے ۔ اس سے قبل اپریل میں جی ٹوئنٹی ممالک کے ممتاز زرعی سائنسدانوں کا اجلاس ہوا تھا جس میں پوری دنیا کو صحت مند رکھنے کے لیے غذائیت سے بھرپور خوراک، فوڈ سیکیورٹی اور ماحول دوست کاشتکاری کو فروغ دینے کا پیغام دیا گیا تھا۔
