واشنگٹن6جون (سیاست ڈاٹ کام ) امریکہ کے جنوبی صوبے جارجیا میں ایک چھوٹے طیارے کے گر کر تباہ ہونے سے دو بچوں سمیت پانچ افراد کی موت ہو گئی۔مقامی میڈیا نے پٹنام کاؤنٹی کے شیرف ہاورڈ سلس کے حوالے سے ہفتہ کو بتایا کہ یہ طیارہ جمعہ کو اٹلانٹا سے تقریبا 100 میل (161 کلومیٹر) جنوب مشرق میں گر کر تباہ ہوا۔ حادثے میں طیارے میں سوار تمام پانچ لوگوں کی موت ہو گئی۔ امریکی فیڈرل ایوی ایشن ایڈمنسٹریشن (FAA) نے بتایا کہ پائپر پی اے 31-ٹی طیارے نے فلوریڈا کے ولسٹن سے انڈیانا کے نیو کیسل کے لئے پرواز بھری تھی۔ایک عینی شاہد نے مقامی میڈیا کو بتایا کہ اس نے طیارے کو علاقے میں چکر لگاتے اور آگ پکڑتے دیکھا۔حادثے کے بعد طیارے کے کچھ حصے ایک قریبی میدان میں گرے ۔ہنگامی عملے نے جنگل کے علاقے میں طیارے کو شعلوں میں گھرا دیکھا اور آگ بجھایا۔ ایف اے اور نیشنل ٹرانسپورٹیشن سیفٹی بورڈ حادثے کی تحقیقات کریں گے۔
