نئی دہلی: انٹرنیشنل فاؤنڈیشن آف ہاؤس آف ہیومن سائنسز،فرانس نے پروفیسر نوید جاوید شعبہ نفسیات جامعہ ملیہ اسلامیہ کو مؤقر گرانٹ ڈی ای اے2021 سے سرفراز کیا ہے ۔ فرانس میں بچوں کیساتھ برے سلوک اور برتاؤ کے سلسلے میں ماہرین کی دماغی صحت اور ساتھ ہی مذکورہ موضوع پر ہندوستان کے ماہرین اور ڈاکٹروں کی دماغی صحت کے موازنہ کے تناظر میں تفہیم کیلئے تحقیقی مقصد کیلئے انھیں مدعو کیا گیاہے ۔پروفیسر کیتھرین بیلزنگ، ٹورس یونیورسٹی، فرانس نے انھیں اپنی تجربہ گاہ میں بھی مدعو کیاہے جہاں پروفیسر اقبال بچوں کیساتھ برے سلوک اور اس کے منفی اثرات سے متعلق متعدد لکچر دیں گے اور مستقبل میں فرانس اور ہندوستان کے درمیان ممکنہ تحقیقی اشتراک کیلئے ان کے رفقائے کار سے بات چیت کریں گے ۔
