ٹوکیو ۔ جاپان میں حکمران جماعت آئندہ وزیراعظم 15 ستمبر کو چنے گی۔ اس بارے میں اعلان ہفتہ کی صبح کیا گیا تھا۔ ایک روز قبل وزیراعظم شنزو آبے نے اپنی گرتی ہوئی صحت کے تناظر میں وزیراعظم کے عہدے سے استعفیٰ دے دیا تھا۔ قوی امکان کے کہ آبے کی لبرل ڈیموکریٹک پارٹی کے صدر آئندہ وزیراعظم منتخب ہوجائیں گے۔ شنزوآبے جاپان میں سب سے طویل مدت تک وزارت عظمی کا منصب سنبھالنے والے سیاست داں ہیں۔ دریں اثناء صدر امریکہ ڈونالڈ ٹرمپ نے آبے کو زبردست خراج تحسین پیش کیا اور انہیں اپنا خاص دوست قرار دیا۔ دونوں کے مابین آج ٹیلی فون پر بات چیت بھی متوقع ہے۔
