ٹوکیو : 19 نومبر ( ایجنسیز ) جاپان کے جنوب میں واقع ساحلی شہر میں آتشزدگی سے 170 سے زائد عمارتوں کو خاکستر ہو گئی ہیں۔ فائر فائٹر سروس نے بتایا ہے کہ جاپان کے جنوبی شہر اوئیتا کے علاقے سگانوسیکی میں منگل کی شام کو اچانک آگ بھڑک اْٹھی اور 170 سے زائد عمارتوں کو اپنی لپیٹ میں لے لیا تاہم چہارشنبہ کی صبح تک اس پر پوری طرح سے قابو نہیں پایا جا سکا تھا۔رپورٹ کے مطابق شہر اوئیتا دارالحکومتت ٹوکیو سے تقریباً 770 کلومیٹر دور واقع ہے۔آگ لگنے کے اس واقعہ کے بعد علاقے کے تقریباً 175 رہائشیوں کو ریسکیو کر کے محفوظ مقام پر منتقل کیا گیا ہے۔حکام کے مطابق آگ لگنے کی وجہ تاحال معلوم نہیں ہو سکی تاہم تحقیقات جاری ہیں جبکہ ایک شخص ابھی تک لاپتہ ہے۔مقامی نشریاتی اداروں کی فضائی فوٹیج میں تباہ شدہ گھروں کے ملبے کے ڈھیر اور گھنے دھوئیں کے بادل دکھائی دیے جو ایک پہاڑی قصبے سے اٹھ رہے تھے۔ یہ قصبہ بندرگاہ پر واقع ہے۔جاپانی وزیراعظم سانائے تاکائیچی کے مطابق اوئیتا کے گورنر کی درخواست پر فوج کا فائر فائٹنگ ہیلی کاپٹر بھی امدادی کارروائی میں بھیجا گیا ہے۔
