نئی دہلی: وزیر اعظم نریندر مودی نے آنے والے دنوں میں تہواروں، موسم سرما اور معیشت کے حالت کے پیش نظر عالمی وبا کوڈ 19 کے خلاف تحفظ کے لئے جمعرات کے روز ایک ‘عوامی تحریک’ کا آغاز کیا۔ انہوں نے نعرہ دیا’جب تک دوائی نہیں تب تک ڈھلائی نہیں‘۔ مودی نے آج ٹویٹ کرتے ہوئے کہا ‘‘آیئے کرونا سے لڑنے کے لئے متحد ہوں! ہمیشہ یاد رکھیں، ماسک پہنیں۔ اپنے ہاتھوں کو صاف رکھیں۔ سوشل ڈسٹنسنگ پر عمل کریں۔ دو گز کی دوری رکھیں’’۔ انہوں نے لکھا ’’جب تک دوائی تک تب تک ڈھلائی نہیں‘‘۔ایک دیگر ٹویٹ میں وزیر اعظم نے لکھا کہ ملک میں کووڈ ۔19 کے خلاف جنگ لوگوں کے ذریعے لڑی جارہی ہے اور ہمارے کورونا جنگجوؤں کو اس سے بہت زیادہ طاقت ملتی ہے ۔ ہماری اجتماعی کوششوں سے بہت سی زندگیاں بچانے میں مدد ملی ہے ۔ ہمیں اس لڑائی کو جاری رکھنا ہوگا اور ہمارے شہریوں کو وائرس سے بچانا ہوگا۔
