ریاض: سعودی وزارت صحت نے جدہ ضلع میں شہریوں اور مقیم غیر ملکی کے لیے کورونا وائرس کی ویکسین کے سلسلے میں پہلے صدر مرکز کو متعارف کرا دیا۔ یہ مرکز سابق شاہ عبدالعزیز بین الاقوامی ہوائی اڈے کے جنوبی ہال میں قائم کیا گیا ہے۔ یہاں تمام تر خدمات فراہم کی گئی ہیں۔ اس مقصد کے لیے لوگوں کی بڑی تعداد کا استقبال کرنے کے انتظامات کیے گئے ہیں۔جدہ میں کورونا ویکسین کی پہلی خوراک ایک ساٹھ سالہ شہری کو دی گئی۔ وزارت صحت نے شہریوں اور مقیم غیر ملکیوں کو اندراج کرانے کی ہدایت کی ہے۔ اس طرح وہ ویکسین لگوا کر اپنی صحت اور سلامتی کا تحفظ کر سکیں گے۔ واضح رہے کہ مملکت میں کورونا کی تمام ویکسین مفت دستیاب ہو گی۔ وزارت صحت نے ویکسین کے محفوظ اور مؤثر ہونے کی تصدیق کی ہے۔جدہ کے صدر مرکز کے ہال میں ویکسین کے عمل کے واسطے 84 کمرے تیار کیے گئے ہیں۔ یہاں تربیت یافتہ مستعد عملہ عوام کو خدمات فراہم کرنے میں مصروف ہے۔ادھر شہری ہوابازی کی جنرل اتھارٹی کے سربراہ عبدالہادی المنصوری نے تمام سعودی شہریوں اور مقیم غیر ملکیوں کے لیے طبی نگہداشت فراہم کرنے پر مملکت کی دانش مند قیادت کو خراج تحسین پیش کیا اور ساتھ ہی شکریہ بھی ادا کیا ہے۔
