برلن ۔17 جون (سیاست ڈاٹ کام) جرمنی کی ایک کمپنی ’کیور ویک‘ کو کورونا وائرس کے خلاف ویکسین کے کلینکل ٹیسٹ کرانے کی اجازت دے دی گئی ہے۔ اس حوالے سے ذمے دار ادارے پاؤل اِہرلش انسٹی ٹیوٹ نے کہا ہے کہ اب یہ کمپنی خود کو رضاکارانہ طور پر پیش کرنے والے کورونا کے مریضوں پر تجربات کر سکتی ہے۔ قبل ازیں جرمنی کی ’بیون ٹیک‘ کمپنی کو ایسی اجازت دی گئی تھی۔ پیر کے روز جرمن وزارت اقتصادی امور نے کیور ویک میں 300ملین یورو کی سرمایہ کاری کرنے کا اعلان کیا تھا۔
