برلن: جرمنی میں ٹرین ڈرائیوروں نے چہارشنبہ سے تین روزہ ہڑتال کر دی، جس سے ملک بھر میں مسافروں کی آمدورفت بری طرح متاثر ہوگئی۔منگل کی رات سے مال گاڑیوں کا آپریشن ٹھپ ہے ۔ جرمنی کی قومی ریلوے کمپنی ڈوئچے بان ہڑتال کے دوران ہنگامی خدمات چلا رہی ہے ، لیکن لمبی دوری کی پانچ میں سے صرف ایک ٹرین چل سکے گی۔ قومی ریل آپریٹر کے ایک ترجمان نے کہا کہ علاقے میں ٹریفک بھی بڑے پیمانے پر کم ہو گیا ہے ۔واضح رہے کہ نومبر میں ڈوئچے بان کی جانب سے تنخواہ میں 11 فیصد اضافے کی پیشکش کو بغیر کسی بات چیت کے مسترد کر دیا گیا تھا۔