برلن : جرمنی میں حکومت نے8 مارچ سے ان صوبوں میں عائد پابندیوں میں نرمی کا اعلان کیا ہے جہاں کورونا وائرس کے کیسز کی تعداد کم ہے۔ جرمنی کی چانسلر انجیلا میرکل نے چہارشنبہ کو صوبوں کے سربراہوں سے بات چیت کے بعد یہ اطلاع دی۔ میرکل نے کہاکہ اسے صوبے یہاں ہرہفتہ 10 ہزار افراد پر کورونا وائرس کے 50 سے بھی کم نئے کیسز سامنے آرہے ہیں ، ان علاقوں میں8 مارچ سے دوکانوں کو کھولا جاسکتا ہے۔ اس کے علاوہ کچھ صوبوں میں میوزیم ، گیلریوں ، چڑیا گھروں اور پارکوں کو کھولنے کی بھی اجازت دی گئی ہے۔ تاہم یہاں صرف محدود تعداد میں لوگوں کو آنے کی اجازت ہوگی۔ واضح ر ہے کہ امریکہ کی جان ہاپکنز یونیورسٹی کے سینٹر برائے سائنس اینڈ انجینئرنگ (سی ایس ایس ای) کی جانب سے جاری تازہ ترین اعداد و شمار کے مطابق جرمنی میں اب تک کورونا وائرس کے 24,72,896کیسز کی تصدیق ہوچکی ہے ، ملک میں اس وبا کی وجہ سے 71,073 افراد ہلاک ہوگئے ۔