برلن : جرمنی نے پیر کو روسی سفارتخانے میں حکام کی ’’قابلِ ذکرتعداد‘‘ کو ناپسندیدہ قرار دینے کا اعلان کیا ہے اور کہا کہ برلن یوکرین کی مسلح افواج کی حمایت میں اضافہ کرے گا۔جرمن وزیرخارجہ انالینا بیربوک نے یوکرین میں عام شہریوں کی ہلاکتوں کا حوالہ دیتے ہوئے ایک بیان میں کہا کہ بوچا کی تصاویر روسی قیادت اور اس کے پروپگنڈہ پر عمل کرنے والوں کی ناقابل یقین سفاکیت کی گواہی دیتی ہیں۔انھوں نے کہا کہ ’’وفاقی حکومت نے روسی سفارتخانے کے ارکان کی ایک قابل ذکر تعداد کو ناپسندیدہ قرار دینے کا فیصلہ کیا ہے کیونکہ انھوں نے ہماری آزادی کے خلاف، ہمارے معاشرے کی ہم آہنگی کے خلاف ہر روز جرمنی میں کام کیا ہے‘‘۔
