اسکوپے ۔ جرمنی نے پیرکی رات یہاں گروپ مرحلے کے میچ میں شمالی مقدونیہ کو4-0 سے شکست دیکرفیفا ورلڈ کپ 2022 میں رسائی حاصل کرنے والی پہلی ٹیم بن گئی۔جرمنی نے جہاں گزشتہ مارچ میں شمالی مقدونیہ سے اپنی شکست کا بدلہ لے لیا۔ رومانیہ نے آرمینیا کو1-0 سے شکست دیا، جو جرمنی کے لیے رسائی حاصل کرنے کے لیے ضروری تھا۔ رومانیہ اور آرمینیا کے مابین ڈرا ہونے سے بھی جرمنی کو رسائی حاصل کرنے میں بھی مدد ملتی۔جرمن اٹیکر اور فارورڈ تھامس مولر نے جارحانہ انداز اپنایا اور پورے میچ میں ٹیم کے لیے گول کے مواقع پیدا کیے اور اس نے دوگول کیے ۔ بہت سارے مواقع ضائع کرنے کے بعد فارورڈ ٹیمو ورنرکو بالآخرکامیابی ملی۔ انہوں نے 70 ویں اور73 ویں منٹ میں دوگول کیے ۔ اس کے بعد حملہ آور مڈفیلڈر جمال مسیالا نے میچ کے اختتام سے صرف 7 منٹ پہلے83 ویں منٹ میں اپنا پہلا بین الاقوامی گول بناکر ٹیم کو4-0 کی برتری دلائی اور ٹیم نے بعد میں اس اسکور کے ساتھ میچ جیت لیا۔ مڈ فیلڈر کائی ہیورٹز نے میچ کا پہلا گول50 ویں منٹ میں کیا۔واضح رہے کہ اس کامیابی کے ساتھ جرمنی ورلڈ کپ کے آخری مرحلے میں مسلسل18 ویں اور مجموعی طور پر20 ویں نمبر پرآئے گا۔ جرمنی نے روس میں2018 ورلڈ کپ کے آخری مراحل میں مایوس کن کارکردگی کا مظاہرہ کیا تھا لیکن امید ہے کہ وہ بائرن میونخ کے سابق کوچ ہانسی فلک اور ڈائی مانشافٹ کی کوچنگ میں اچھی کارکردگی کا مظاہرہ کرے گی ۔
