اسلام ، دہشت گردی کا نہیں
امن کا مذہب ہے: جرمن یوٹیوبر
برلن :جرمنی کے مشہور یوٹیوبر کرسٹین بیٹزمین اسلام قبول کر لیا ہے جس سے کرسٹین کے مسلمان مداحوں نے خوشی کا اظہار کیا ۔ اسلام قبول کرنے کی تصدیق کرسٹین بیٹزمین نے ایک انسٹاگرام پوسٹ میں کی جس میں انہوں نے بتایا کہ وہ اسلام میں داخل ہوچکے ہیں۔کرسٹین بیٹزمین نے اپنے یوٹیوب چیانل پر ویڈیو اَپ لوڈ کی جس میں انہوں نے کہا کہ میں نے پاکستان میں ایک سال گزارا۔ اس دوران انہوں نے کئی بہترین لوگوں سے ملاقات کی۔انہوں نے کہا کہ لوگوں نے انہیں مذہب اور طرز زندگی کے حوالے سے بہت کچھ سکھایا۔نومسلم یوٹیوبر نے بتایا کہ یورپ میں پلے بڑھے ہونے کی وجہ سے لفظ ’’اسلام ‘‘کو ہمیشہ ’’دہشت گردی ‘‘سے ہی جوڑا جاتا تھا مگر میں کبھی بھی ایک مذہبی شخص نہیں تھا اسی لئے مجھے ان افراد کی سوچ سے فکر نہیں ہوتی تھی۔کرسٹین بیٹزمین نے کہا کہ اسلام امن کا مذہب ہے اور مجھے دین اسلام کے ساتھ گہرا تعلق محسوس ہورہا ہے۔