برلن ۔15 ؍جنوری ( ایجنسیز )جرمن ایئر لائن نے اسرائیل کیلئے رات کی پروازیں بند کرنے کا فیصلہ کرلیا۔جرمن ایئر لائن کے مطابق اسرائیل کیلئے رات کی پروازیں 19 جنوری تک بند رہیں گی۔ میڈیا کے مطابق یہ فیصلہ بڑھتی ہوئی علاقائی کشیدگی کے باعث کیا گیا ہے۔اس حوالے سے ایئر لائن کے ترجمان نے کہا ہے کہ علاقائی صورتحال پر گہری نظر رکھے ہوئے ہیں اور آنے والے دنوں میں اس حوالے سے دوبارہ جائزہ لیا جائے گا۔کشیدہ صورتحال کے باعث ٹرمپ انتظامیہ قطر میں امریکی فوجی ایئر بیس العدید سے کچھ اہلکاروں کو نکلنے کا فیصلہ ہے جبکہ برطانیہ نے بھی قطر کے امریکی فوجی اڈے سے اپنا عملہ نکالنے کا فیصلہ کیا ہے۔ ایرانی وزیر خارجہ عباس عراقچی نے کہا کہ ایران میں امن قائم ہے، صورت حال مکمل قابو میں ہے۔