برلن : جرمنی کے وزیر خزانہ اولاف شْلز نے سیلاب سے متاثرین کے لیے 300 ملین یورو سے زائد ایمرجنسی امداد کا اعلان کیا ہے۔ ایس پی ڈی پارٹی کی طرف سے چانسلر کے امیدوار اولاف شْلز کے مطابق یہ فنڈز سب سے زیادہ متاثر ہونے والی ریاستوں رائن لینڈ پلاٹینیٹ اور نارتھ رائن ویسٹ فیلیا کی حکومتوں کے ذریعے تقسیم کیے جائیں گے۔ اس کے علاوہ سیلاب سے تباہ ہونے والے گھروں، سڑکوں اور پلوں کی تعمیر کے لیے بھی فنڈز مختص کیے جائیں گے۔ شْلز کے بقول اس قدرتی آفت سے ہونے والے نقصانات کے ازالے کے لیے کم از کم ایک بلین یورو درکار ہوں گے۔
