برلن : جرمنی میں جرمن شہری تھامس ایچ کو روسی انٹیلی جنس کے لیے جاسوسی کے الزام میں گرفتار کر لیا گیا ہے۔فیڈرل پراسیکیوٹر آفس کی جانب سے دیے گئے بیان میں کہا گیا ہے کہ تھامس ایچ کوبلینز شہر سے حراست میں لیا گیا ہے۔بیان میں کہا گیا ہے کہ مشتبہ شخص کے کام کی جگہ اور گھر کی تلاشی لی گئی، اور بتایا گیا کہ تھامس ایچ پر غیر ملکی انٹیلی جنس سروس کے لیے کام کرنے کا الزام ہے۔بیان میں کہا گیا ہے کہ تھامس ایچ جرمن مسلح افواج کے آلات اور انفارمیشن تھیولوجی ڈیپارٹمنٹ میں کام کرتا تھا اور مشتبہ شخص نے مئی کے بعد کئی بار بون میں روسی قونصلیٹ جنرل اور برلن سفارت خانے کو تعاون کی پیشکش کی تھی۔
