برلن : جرمن چانسلر انجیلا مرکل اور فرانسیسی صدر عمانویل ماکروں نے کورونا کی وبا کے علاوہ ترکی اور روس کے معاملات پر مشترکہ لائحہ عمل اپنانے پر اتفاق کیا ہے۔ دونوں رہنماؤں کی جانب سے یہ اعلان صدر ماکروں کے دورہ برلن کے موقع پر سامنے آیا۔ صدر ماکروں کا یہ دورہ اس لیے بھی اہم سمجھا جا رہا ہے کہ آیندہ ہفتے یورپی یونین کا سربراہ اجلاس منعقد ہوگا۔ رواں برس یہ پہلا موقع تھا کہ ایک غیرملکی رہنما جرمنی پہنچا۔ ملاقات میں چانسلر مرکل نے روس کو ایک اہم چیلنج قرار دیا۔