مقبوضہ بیت المقدس : اسرائیلی فوج نے مقبوضہ جزیرہ نما النقب میں کریک ڈاؤن کے دوران مزید 41فلسطینیوں کو حراست میں لے لیا۔ فلسطینی ذرائع ابلاغ کے مطابق گرفتار کیے گئے فلسطینیوں میں خواتین اور بچے بھی شامل ہیں۔ اس سے قبل اسرائیلی فوج نے نقب میں کارروائیاں شروع کرتے ہوئے 131شہریوں کو گرفتار کیا تھا۔ کلب برائے اسیران کی طرف سے جاری رپورٹ میں کہا گیا ہے کہ تمام گرفتار فلسطینیوں کو پیر کے روز عدالت میں پیش کیا گیا اور اس کے بعد ان سے تفتیش کی گئی۔
