کورونا ویکسین کی قلت پر مودی پر کانگریس قائد کا پھر طنز
نئی دہلی: ملک میں کورونا ویکسین کی قلت پر کانگریس کے سابق صدر راہول گاندھی نے ایک مرتبہ پھر مودی حکومت پر طنز کیا ہے۔ انہوں نے ٹوئٹ کر کے کہاکہ ’’جملے ہیں مگر ویکسین نہیں۔‘‘ ساتھ ہی انہوں نے پھر سے پوچھا ہیکہ ویکسین کہاں ہے۔اس سے قبل راہول گاندھی نے 11 جولائی کو ٹوئٹ کر کے کہا تھا کہ وزرا کی تعداد تو بڑھی ہے لیکن ویکسین کی نہیں! ساتھ ہی انہوں نے پوچھا کہ ویکسین کہاں ہیں۔
اس کے علاوہ راہول گاندھی نے اعداد وشمار پر مبنی ایک گراف بھی شیئر کیا تھا، جس میں ویکسین کی قلت کو واضح کیا گیا تھا۔