بھارتیہ جنتا پارٹی کے قومی جنرل سکریٹری ترون چگھ نے کہا کہ جموں وکشمیر کو ریاستی درجہ جلد واپس دیا جائے گا اور یہاں عنقریب اسمبلی انتخابات بھی منعقد ہوں گے۔انہوں نے کہا کہ بی جے پی جموں وکشمیر کی ترقی اور خوشحالی کے لئے کام کر رہی ہے اور یہاں امن قائم ہے۔انہوں نے ان باتوں کا اظہار پارٹی ہیڈ کوارٹر پر پنڈت دین دیال اپادھیائے کی برسی کے موقع پر منعقدہ ایک تقریب میں نامہ نگاروں کے ساتھ کیا۔ان کا کہنا ہے کہ ’پنڈت دین دیال اپادھیائے کی سوچ غریب کی زندگی میں تبدیلی لانے کی سوچ کی تھی جس کو نریندر مودی 26 مئی 2014 سے مختلف یوجنائیں متعارف کرکے عملی جامہ پہنا رہے ہیں‘۔