جموں، 30 اگست (یو این آئی) جموں و کشمیر کے ضلع رام بن کے ایک دور افتادہ گاؤں میں بادل پھٹنے سے تین افراد کی موت واقع ہوئی ہے جبکہ دو دیگر لاپتہ ہوئے ہیں۔ضلع مجسٹریٹ رام بن کے ‘ایکس’ ہینڈل پر ایک پوسٹ میں کہا گیا کہ رات کو اطلاع ملنے پر ایس ڈی آر ایف اور کیو آر ٹی کی ٹیم جائے موقع پر پہنچ گئی۔ انہوں نے کہا کہ ڈی سی ذاتی طور پر بچاؤ اور راحت کے کاموں کی نگرانی کر رہے ہیں۔پوسٹ میں کہا گیا کہ ضلعی انتظامیہ ہائی الرٹ پر ہے اور متاثرہ خاندانوں کی ہر ممکن مدد کر رہی ہے ۔
انہوں نے کہا کہ اس واقعے میں 3 جانیں ضائع ہوئی ہیں جبکہ 2 تاحال لاپتہ ہیں۔ان کا کہنا ہے کہ علاقے میں ریسکیو آپریشن جاری ہے ۔دریں اثنا مرکزی وزیر ڈاکٹر جیتندر سنگھ نے ‘ایکس’ پر اپنے ایک پوسٹ کہا کہ انہوں نے اس واقعے کے متعلق ڈی سی رام بن سے بات کی۔