سری نگر: جموں و کشمیر میں اتوار کی علی الصبح زلزلے کے ہلکے جھٹکے محسوس کئے گئے تاہم کسی نقصان کی اطلاع نہیں ہے ۔نیشنل سینٹر فار سیسمولوجی کے مطابق جموں و کشمیر میں صبح 4 بجکر 40 منٹ پر جھٹکے محسوس کئے گئے ۔انہوں نے بتایا کہ زلزلہ پیما پر زلزلے کی شدت 2.9 ریکارڈ کی گئی اور اس کا مرکز ضلع ڈوڈہ میں تھا۔بتادیں کہ جموں کشمیر اور لداخ زلزلیاتی پیمانے پر زیادہ خطرناک پانچ اور چار زون میں آتے ہیں۔جموں و کشمیر میں ماضی میں زلزلوں نے بے تحاشا تباہی مچائی ہے ۔ 8 اکتوبر 2005 کو قیامت خیز زلزلے میں ایل او سی کے آر پار زائد از 80 ہزار لوگوں کی موت ہوئی تھی اور بے تحاشا مالی نقصان ہوا تھا۔
