سرینگر : سیکورٹی فورسز نے جموں و کشمیر کے کٹھوعہ ضلع میں دو دہشت گردوں کو مار گرایا ہے اور ان کے ہتھیار برآمد کیے ہیں۔ دیگر مشتبہ افراد کی تلاش جاری ہے۔ تاہم ابھی تک شہید پولیس اہلکاروں کے ہتھیاروں کے بارے میں کوئی سراغ نہیں مل سکا ہے۔جموں و کشمیر کے نائب وزیر اعلی سریندر چودھری نے سرحد پار سے ہونے والی سازشوں کی مذمت کرتے ہوئے کہا کہ سرحد پار سے رچی جانے والی سازشیں ہمارے بچوں کو مار رہی ہیں۔ انہوں نے پاکستان پر زور دیا کہ وہ دہشت گردی کو ترک کردے۔ اس بات پر زور دیتے ہوئے کہ تشدد سے کچھ حاصل نہیں ہوتا۔ پی ٹی آئی کے مطابق چودھری نے کہا کہ وہ پچھلے 30 سالوں سے ہمارے بچوں کو مار رہے ہیں اور کچھ حاصل نہیں کیا ہے۔کٹھوعہ ضلع کے صفیان جنگل میں دہشت گردوں کے ساتھ دو روز سے جاری تصادم میں ہیڈ کانسٹیبل جگبیر سنگھ اور تین دیگر پولیس اہلکار شہید ہو گئے۔ جبکہ سیکورٹی فورسز نے پاکستان میں مقیم جیش محمد سے تعلق رکھنے والے دو دہشت گردوں کو مار گرایا تھا۔ انہوں نے کہا کہ ہمارے شہداء میں ایک مسلمان اور تین ہندو تھے لیکن دہشت گرد ہمارے بھائی چارے کے جذبے کو نہیں توڑ سکتے۔
