سری نگر : جموں و کشمیر میں آبادی کا تناسب بدلنے کیلئے ایک اور گھناؤنا اقدام اٹھا لیا۔ کشمیر میڈیا سروس کی رپورٹ کے مطابق، حکومت نے غیر کشمیری ہندوؤں کو 22 سو ماہانہ کی معمولی قسط پر مجموعی طور پر ٹوٹل 336 فلیٹ دیے جانیکا منصوبہ بنایا ہے۔ رپورٹ میں بتایا ہے کہ کشمیری املاک کو غیر کشمیری ہندوؤں کو دینے کے منصوبہ پر عملی اقدام اٹھاتے ہوئے انتظامیہ نے لیفٹیننٹ گورنر منوج سنہا کی قیادت میں جموں کے تقریباً 200 فلیٹس کی چابیاں شہریوں کے حوالے کر دی ہیں۔ کشمیر میڈیا سروس کی رپورٹ کے مطابق، باقی فلیٹس رواں سال اکتوبر تک ہندوستانی شہریوں کو دیئے جائیں گے۔ پیپلز ڈیموکریٹک پارٹی کی سربراہ محبوبہ مفتی نے قابض انتظامیہ کے اس اقدام کی سخت مخالفت کی ہے۔ محبوبہ مفتی کا کہنا ہے کہ وادی میں غیر کشمیری ہندوؤں کو بسانا مقبوضہ کشمیر میں ہندوؤں کی آبادکاری کا منصوبہ ہے۔
