اسلام آباد : پاکستان کے صوبہ پنجاب میں اسمبلی کی 20 نشستوں کے لیے آج ضمنی انتخابات ہو ئے۔ اس سے قبل ملک کے سابق وزیر اعظم عمران خان نے سول ملٹری تعلقات میں عدم توازن کی مذمت کرتے ہوئے سابقہ پی پی پی (پاکستان پیپلز پارٹی) اور مسلم لیگ (ن) (پاکستان مسلم لیگ نواز) کی حکومتوں پر کرپشن کے مقدمات میں خود کو بچانے کے لئے فوج کا استعمال کرنے کا الزام لگایا تھا۔ میڈیانے اتوار کو یہ اطلاع دی۔واضح رہے کہ انہوں نے یہ بات پنجاب میں ضمنی انتخابات سے ایک روز قبل آزادی اظہار کے حوالے سے منعقدہ سیمینار میں کہی۔ عمران خان کی جماعت پاکستان تحریک انصاف بھی اس انتخابی دوڑ میں شامل ہے ۔انہوں نے اپنی پارٹی کے خلاف کی گئی کارروائی کا حوالہ دیا، جس کی وجہ سے انہیں تحریک عدم اعتماد کا سامنا کرنا پڑا۔ سابق وزیراعظم کا کہنا تھا کہ ‘یہ عدم توازن ایسی صورتحال کا باعث بنا ہے جس کے نتائج سے فوج ابھی تک آگاہ نہیں ہے ۔انہوں نے مزید کہا کہ ‘‘ہمیں کمزور فوج نہیں چاہیے ، اس لیے ہمیں اسے بچانا ہے ، اس کی حفاظت کرنی ہے ۔ اگر عوام اور فوج کے درمیان فاصلہ بڑھتا ہے جو ہو رہا ہے تو اس کا نقصان بالآخر پاکستان اور فوج کو ہی ہوگا۔‘‘ عمران خان کے مطابق جمہوریت کا انحصار اخلاقی طاقت پر ہے نہ کہ جسمانی قوت پر اور پاکستان کی فوج اخلاقی طاقت رکھتی ہے ۔
