جوہانسبرگ : جنوبی افریقہ کے انٹرنیشنل کرکٹر بیجورن فورٹن نے اپنی اہلیہ کے ہمراہ دائرہ اسلام میں داخل ہونے کا اعلان کیا اور انہوں نے اپنا نام عماد رکھا ہے۔ جنوبی افریقی کرکٹر تبریز شمسی اور ان کی اہلیہ کی جانب سے انسٹاگرام اسٹوری پر فورٹن اور ان کی اہلیہ کی تصویر شیئر کرتے ہوئے اس جوڑے کو دائرہ اسلام میں داخل ہونے پر مبارکباد دی گئی جسے بعد ازاں بیجورن اور ان کی اہلیہ مشکی ایسن نے بھی شیئر کیا۔ 26 سالہ کرکٹر فورٹن نے ستمبر 2019 میں جنوبی افریقی ٹیم کے لیے بین الاقوامی سطح پر ڈیبیو کیا تھا۔ خیال رہے کہ بیجون جنوبی افریقہ کرکٹ ٹیم کے دوسرے کھلاڑی ہیں جنھوں نے اسلام قبول کیا ہے۔ اس سے قبل میڈیم فاسٹ بولر وین پارنیل بھی 2011 میں اسلام قبول کرچکے ہیں۔
