سری نگر۔ 5 فروری (سیاست ڈاٹ کام) جنوبی کشمیر کے ضلع پلوامہ میں پیر اور منگل کی درمیانی شب سیکورٹی فورسز نے شبانہ چھاپوں کے دوران کئی نوجوانوں کو گرفتار کیا ہے ۔پولیس ذرائع کے مطابق سیکورٹی فورسز اور پولیس نے جنوبی کشمیر کے ضلع پلوامہ کے آری گام اور آری ہال دیہات میں شبانہ چھاپوں کے دوران مبینہ طور پر سنگ بازی میں ملوث 9 نوجوانوں کو اپنے گھروں سے گرفتار کیا۔انہوں نے بتایا کہ 8 نوجوانوں کو آری گام گاؤں جبکہ ایک نوجوان کو آری ہال گاؤں سے گرفتار کیا گیا۔
