سیول ۔جنوبی کوریا میں مسافروں کو پرہجوم شہروں میں ایک سے دوسری جگہ لے جانے والی اپنی اہم ترین اڑن ٹیکسی ای ہینگ 216 کی کامیاب تجربہ کیا گیا ہے۔فضائی سیاحت بڑھانے اور ایگزیکٹو خدمات فراہم کرنے والی یہ سواری مکمل طور پر بجلی سے چلتی ہے اور مکمل طور پر خودکار بھی ہے۔ ای ہینگ کی آزمائش جنوبی کوریا میں کی گئی ہے جہاں پہلے خود کار فضائی ٹیکسی کے لیے باقاعدہ حفاظتی سرٹیفکیٹ لیا گیا ہے۔آزمائشی اڑ ن ٹیکسی میں دو سوار بیٹھ سکتے ہیں جبکہ آزمائش میں اسے جنوبی کوریا کے گنجان شہر میں اڑایا گیا ہے۔اس کی زیادہ سے زیادہ رفتار 130کلومیٹر فی گھنٹہ ہے اور ایک مرتبہ چارج ہونے پر 100 کلومیٹر کا فاصلہ طے کرسکتی ہے۔جنوبی کوریا کی ایوی ایشن انتظامیہ نے کہا ہے کہ مستقبل میں وہ ای ہینگ کے لئے فضائی راستے متعین کرے گی۔
