سیئول۔اسپیس ایکس راکٹ نے منگل کو جنوبی کوریا کے پہلے فوجی مواصلاتی مصنوعی سیارہ کو لانچ کیا۔اسے جنوبی کوریا کی جانب سے اپنے دیرینہ حریف اور ایٹمی ہتھیاروں سے لیس شمالی کوریا کیخلاف دفاعی تیاری کے طور پردیکھا جارہا ہے ۔ جنوبی کوریا کی دفاع کے حصول کے پروگرام کی انتظامیہ (ڈی اے پی اے ) نے یہ بیان جاری کیا۔انہوں نے بتایا کہ این ایس ایس -2 سیٹلائٹ امریکہ کے فلوریڈا کے کیپ کینویرال فوجی ہوائی اسٹیشن سے گذشتہ روز مقامی وقت کے مطابق شام 5.30 بجے چھوڑا گیا تھا۔اسپیس ایکس ایک پرائیویٹ راکٹ کمپنی ہے جس کے مالک ایلن ماسک ہیں۔ انہوں نے اس بات کی تصدیق کی ہے کہ سیٹلائٹ چھوڑے جانے کے 32 منٹ بعد وہ مدار میں نصب ہوگیا۔ڈی اے پی اے نے کہا کہ اس لانچ کیساتھ ہی جنوبی کوریا فوجی مواصلاتی سیٹلائٹ کی طاقت حاصل کرنے والا دنیا کا 10 واں ملک بن گیا۔