سیول۔ 28 مارچ ۔ ( سیاست ڈاٹ کام) جنوبی کوریا میں کورونا وائرس کے 146 نئے کیس سامنے آنے سے یہاں مریضوں کی تعداد 9ہزار 478 ہو گئی ہے ۔وزارت صحت کے بیماریوں کے کنٹرول اور روک تھام کے مرکز نے بتایا کہ اس وبا کی وجہ سے اب تک یہاں 144 افراد کی موت ہو چکی ہے ۔کووڈ -19 کے سب سے زیادہ کیس یہاں دائیگو میں درج ہیں۔ یہاں پر ملک میں پائے گئے کل 146 نئے کیسز میں سے 71 کیس درج کئے گئے ، جبکہ 18 کیسز دارالحکومت سیول اور 21 کیس گیونگی میں درج کئے گئے ہیں۔ یہاں پر اب تک 4ہزار 811 افراد اس وبا سے ٹھیک ہوئے ہیں۔جنوبی کوریا میں اب تک تین لاکھ 61ہزارکورونا وائرس ٹسٹ کئے گئے ہیں، جبکہ 16ہزار564 کے ٹسٹ کئے جا رہے ہیں۔
میکسکو میں کورونا کے 132 نئے معاملوں کی تصدیق
میکسکو۔ 28 مارچ ۔ ( سیاست ڈاٹ کام) میکسکو میں 24 گھنٹوں میں کورونا کے 132 نئے کیسز سامنے آنے کے بعد متاثرہ افراد کی تعداد بڑھ کر717 ہو گئی ہے ۔ مزید چار اموات کی توثیق کی گئی ہے ۔وزارت صحت محکمہ وبائی امراض کے ڈائرکٹر نے یہ اطلاع دی۔