نئی دہلی: ہندوستان کا پہلا ڈیجیٹل سائنس پارک کیرلا میں عنقریب بننے جارہا ہے۔ اس کا سنگ بنیاد کل پیر 25 اپریل کو خود وزیراعظم نریندر مودی رکھنے جا رہے ہیں ۔ وزیراعظم مودی 24 اپریل کے دن کیرلا میں اپنے دو روزہ دورے کےلیے پہنچیں گے۔ ایک سرکاری اعلان کے مطابق تیسری نسل کا سائنس پارک ٹیکنوپارک فیز IV-ٹیکنوسٹی میں کیرلا کے ڈیجیٹل یونیورسٹی کے قریب بننے جا رہا۔
آپ کو بتادیں کہ یہ 1500 کروڑ روپے کا پروجیکٹ ہے۔ پریس ریلیز میں کہا گیا ہے کہ کیرالہ کے گورنر عارف محمد خان، وزیر اعلیٰ پنارائی وجین، مرکزی وزیر ریلوے اشونی ویشنو، بائیں بازو کی حکومت کے مختلف وزراء اور کانگریس کے ترواننت پورم کے رکن پارلیمنٹ ششی تھرور اس تقریب میں شرکت کریں گے۔