کیرالہ کو اس وقت شدید بارشوں اور سیلاب کی صورتحال کا سامنا ہے۔ تاہم اب صورتحال میں کچھ بہتری ہے۔ پچھلے 24 گھنٹوں میں بارشوں کی ‘رفتار’ کم ہوئی ہے اور دریاؤں کے پانی کی سطح نیچے آرہی ہے۔ محکمہ موسمیات کے ڈائریکٹر جنرل ڈاکٹر ایم مہاپاترا نے این ڈی ٹی وی کو بتایا ، “کیرالہ میں شدید بارشوں کی وجہ سے کئی اضلاع میں سیلاب آگیا لیکن فی الحال گزشتہ 24 گھنٹوں میں بارشیں کم ہوئی ہیں اور اس کی وجہ سے کیرالہ کی ندیوں میں پانی کی سطح مزید بڑھنے کا امکان کم ہے۔ “ہم نے اتراکھنڈ اور مغربی اترپردیش کے کئی اضلاع میں اگلے 24 گھنٹوں میں شدید بارشوں کی پیش گوئی کے بعد ریڈ الرٹ جاری کیا ہے۔ ہم نے اتراکھنڈ اور اتر پردیش کی حکومت کو ایڈوائزری جاری کی ہے کہ انہیں اگلے 24 گھنٹوں کے لیے چوکنا رہنا ہوگا۔
