حیدرآباد۔محکمہ موسمیات نے کہا ہے کہ آئندہ 48گھنٹوں کے دوران تلنگانہ،جنوبی ساحلی اے پی،شمالی ساحلی اے پی،یانم اور رائل سیما میں بعض مقامات پر گرج وچمک کے ساتھ بارش کاامکان ہے ۔اپنے بلیٹن میں اس نے کہا کہ آئندہ چار دنوں 13, 14, 15جولائی کے دوران رائل سیما میں بعض مقامات پر شدید بارش کا امکان ہے جبکہ 13اور14جولائی کو جنوبی ساحلی اے پی،شمالی ساحلی اے پی اور یانم میں بارش ہوگی۔آئندہ پانچ دنوں کے دوران تلنگانہ،ساحلی اے پی،یانم اور رائل سیما میں بعض مقامات پر ہلکی تا اوسط یا پھر گرج وچمک کے ساتھ بارش کاامکان ہے ۔جنوب مغرب مانسون تلنگانہ،ساحلی اے پی اور رائل سیما میں گذشتہ 24گھنٹوں کے دوران معمول کے مطابق رہا ہے ۔اسی عرصہ کے دوران ساحلی اے پی کے ضلع مشرقی گوداوری میں بارش ہوئی۔
