حیدرآباد26جولائی (یواین آئی)تلنگانہ کے جنگاوں ڈسٹرکٹ ہاسپٹل نے زچگیوں کا ریکارڈ بنایا ہے ۔اس ہاسپٹل میں 24 گھنٹوں میں 31 بچوں کی پیدائش ہوئی جو ایک ریکارڈ ہے ۔ ان میں سے 17 نارمل زچگی ہوئی جبکہ دیگر 14 بچوں کی پیدائش سرجری سے ہوئی۔گزشتہ سال اسی ہاسپٹل میں ایک ہی دن میں بڑی تعداد میں بچوں کی پیدائش ہوئی تھی جو ایک ریکارڈ تھا۔ ہاسپٹل انچارج سپرنٹنڈنٹ ڈاکٹر سوگناکر راجو نے ریکارڈ تعداد میں زچگی پر ڈاکٹروں کو مبارکباد دی۔ وزیر صحت ہریش راؤ نے ہاسپٹل کے ڈاکٹروں کی ستائش کی اور ان کو مبارکباد پیش کی۔
