غزہ سٹی : غزہ کی تنگ پٹی کے جنوبی شہر رفح میں انسانی امدادی تنظیموں کی جانب سے فراہم کردہ خیموں میں رہنے والے فلسطینی خاندانوں کیلئے ایک کلو آٹے کے تھیلے (اگر آپ کو مل جائے) کی قیمت اب تقریباً 40 پاؤنڈ ہے اور وہ جانتے ہیں کہ ان کی زندگیاں ہزاروں میل دور پیرس میں جنگ بندی پر مذاکرات کرنے والوں کے ہاتھ میں ہیں۔ مصر کی سرحد سے متصل اس پرہجوم شہر کے زیادہ تر لوگ پہلے ہی اسرائیل کی طرف سے غزہ میں ہونے والی شدید جارحیت اور خوف ناک تباہی کی وجہ سے بے گھر ہو چکے ہیں۔ ہزاروں خاندان سڑکوں، اسکول اور ہاسپٹل کے صحن میں یا چوراہوں پر رہنے پر مجبور ہیں۔ ان کے پاس پناہ لینے کیلئے کوئی تہہ خانے نہیں، صرف چند تباہ شدہ دیواریں ہیں۔
