واشنگٹن : امریکی صدر جو بائیڈن اور ان کے چینی ہم منصب شی جن پنگ کی ورچوئل سمٹ پیر کو ہو رہی ہے۔ دونوں ملکوں کی کوشش ہے کہ تعلقات میں بہتری لائے جائے۔ شی جن پنگ اور بائیڈن دونوں ہی کو اس وقت اس ویڈیو کال سے کافی کم توقعات ہیں البتہ یہ ایک آغاز ضرور ہے۔ امریکی محکمہ خارجہ نے کہا ہے کہ اس ملاقات کے بعد کسی بڑے اعلان کا امکان موجود نہیں ہے۔ بات چیت تعاون بڑھانے اور اختلافات دور کرنے پر مرکوز رہے گی۔ دونوں قائدین نے جمعہ کو اپیک کے اجلاس میں بھی شرکت کی تھی۔ ہانگ کانگ میں جمہوری اقتدار، تائیوان، سنکیانگ میں اقلیتوں کو درپیش حالات اور توسیع پسندانہ پالیسیوں جیسے کئی امور پر بیجنگ اور واشنگٹن کے مابین شدید اختلافات پائے جاتے ہیں۔
