ممبئی ۔ بالی ووڈ کنگ شاہ رخ خان کی انتہائی متوقع ایکشن تفریحی فلم جوان اس ہفتے اپنی شاندار ریلیز کے لیے تیار ہے۔ یہ فلم آل ٹائم بلاک بسٹر پٹھان کے بعد شاہ رخ کی اس سال اسکرین پر آنے والی دوسری بڑی فلم ہے۔ مداح جوان کیلئے بے تاب ہیں ۔ فلم کی ایڈوانس بکنگ جمعہ سے شروع ہوئی تھی اور پہلے ہی نئے ریکارڈ بنا رہی ہے۔ جوان ایک بے مثال ردعمل کا مشاہدہ کر رہا ہے اور اپنی ریلیزکے پہلے دن باکس آفس کے تمام ریکارڈ توڑنے کے لیے تیار ہے۔ 4 دنوں کے عرصے میں، جوان پہلے ہی ایڈوانس بکنگ کے ساتھ ریکارڈ بنا رہا ہے۔ فلم باکس آفس پر اڑان بھرنی شروع کرچکی ہے کیونکہ شائقین شاہ رخ خان اور وجے سیتھوپتی کو پہلی بار بڑی اسکرین پر آمنے سامنے دیکھنے کا زیادہ انتظار نہیں کر سکتے۔ اطلاعات کے مطابق جوان نے ہندوستان میں 13.49 کروڑ روپے (مجموعی) سے زیادہ کے ٹکٹ فروخت کیے ہیں۔ اکیلے ہندی ورژن کی ایڈوانس بکنگ نے 12.53 کروڑ روپے جمع کیے ہیں۔ اس کے علاوہ جوان نے ہندوستان میں 4.25 لاکھ سے زیادہ ٹکٹ فروخت کیے ہیں۔ اتوار کو ٹکٹوں کی زیادہ قیمت پر فروخت ہونے کی امید رہی اور فلم بلاک بسٹر اوپننگ کے راستے پر ہے۔
