ہادی عامر فلسطین اور اسرائیل کیلئے ڈپٹی اسسٹنٹ سکریٹری مقرر
واشنگٹن : امریکی صدر جوبائیڈن کے نظم و نسق میں عرب نژاد 6 امریکیوں کو شامل کیا گیا ہے۔ اسٹیٹ ڈپارٹمنٹ میں مشرقی بعید امور کے بیورو نے تین تقررات کا اعلان کیا جن میں ہادی عامر کو فلسطین اور اسرائیل کیلئے ڈپٹی اسسٹنٹ سکریٹری بنایا گیا ہے جبکہ ڈیان بینیم کو خلیجی خطہ کا ڈپٹی اسسٹنٹ سکریٹری مقرر کیا گیا ہے۔ اس بیورو نے ان تقررات کا اعلان اس وقت کیا جب انتونی بالکن کو سکریٹری آف اسٹیٹ کی حیثیت سے توسیع دی گئی۔ اس کے علاوہ آشا کیستوبرے کو مشرق بعید امور پر اسسٹنٹ سکریٹری کے سینئر اڈوائزر کے طور پر مقرر کیا گیا ہے۔ مشرق وسطیٰ میں امریکی مشن کو آگے بڑھانے میں یہ لوگ اہم رول ادا کریں گے۔ ہادی عامر عرب امریکی نژاد شہری ہیں جنہوں نے انتخابی مہم کے دوران بائیڈن کیلئے کام کیا تھا۔ اوباما نظم و نسق میں بھی وہ خدمات انجام دے چکے ہیں۔ 2014-17ء کے درمیان انہوں نے فلسطین۔ اسرائیل مذاکرات کیلئے امریکی ڈپٹی خصوصی قاصد کی حیثیت سے خدمات انجام دی۔ اس سے قبل انہوں نے مشرق وسطیٰ کیلئے ڈپٹی اسسٹنٹ ایڈمنسٹریشن کے طور پر اوباما نظم ونسق میں کام کیا۔ ہادی عامر نان ریسیڈنٹ سینئر فیلو ہیں جو کئی شعبوں میں کام کرچکے ہیں۔ ان کا تقرر اس بات کا ثبوت ہیکہ بائیڈن نظم و نسق فلسطین اسرائیل تنازعہ کو حل کرنے کیلئے اپنی توجہ مرکوز کرنا چاہتا ہے۔