حیدرآباد25جولائی ( یواین آئی ) تلنگانہ کے جورالہ پراجیکٹ کے دروازے کھولتے ہوئے پانی کو چھوڑاگیا۔ریاست میں جاری بارش کے سبب اس اہم پراجیکٹ کی آبی سطح میں بتدریج اضافہ ہوتاجارہا ہے جس کے پیش نظرعہدیداروں نے 42 دروازے کھول کر پانی چھوڑا۔ پراجیکٹ میں 2.06 لاکھ کیوسک پانی کا بہاو تھا جس پر 1.97 لاکھ کیوسک پانی چھوڑا گیا ۔ اس میں سپل وے کے ذریعہ 1.69 لاکھ کیوسک، بجلی پیدا کرنے کے ذریعہ 24 ،201 کیوسک، نیٹم پاڈو لفٹ میں 1500 کیوسک اور بھیما لفٹ میں 1300 کیوسک پانی چھوڑا گیا۔
