حیدرآباد18جولائی (یواین آئی) آندھراپردیش اونگول میں تلگو اداکار جونیر این ٹی آرکے فلکسی بورڈس سے سنسنی پھیل گئی۔ان بورڈس میں لکھاکہ آئندہ چیف منسٹر جونیر این ٹی آرہوں گے ۔ریاست کی اپوزیشن جماعت تلگودیشم جنرل سکریٹری و سابق چیف منسٹر چندرابابونائیڈو کے فرزند لوکیش کی یاترا کے موقع پر یہ فلکسی نظرآئے ۔پارٹی کومستحکم کرنے لوکیش یہ یاترا کررہے ہیں ۔جونیر این ٹی آر،متحدہ آندھراپردیش کے سابق چیف منسٹر این ٹی راما راو کے پوتے ہیں۔چندرابابونائیڈو ان کے پھوپھا ہیں۔لوکیش کی یاترا کے دوران اہم مقامات پر نظرآئے یہ فلکسی بورڈس سیاسی حلقوں میں موضوع بحث بنے ہوئے ہیں ۔ اس معاملہ کے منظر عام پر آنے کے بعد تلگودیشم پارٹی کے لیڈران یہ معلوم کرنے کی کوشش کررہے ہیں کہ یہ فلکسی بورڈس کس نے لگائے ہیں۔تلگودیشم پارٹی کے لیڈروں اور کارکنوں نے ان فلکسی بورڈس کو نکال دیا ۔ جونیر این ٹی آرسے متعلق تلگو عوام میں کافی جوش وخروش پایاجاتا ہے ۔بتایاجاتا ہے کہ اداکار کے نامعلوم مداحوں نے یہ فلکسی بورڈس لگائے ہیں۔
