نئی دہلی: ایک زمانے میں ہڈیوں اور جوڑوں کی بیماریاں صرف عمر دراز لوگوں کی پریشانی تصور کی جاتی تھی، لیکن بدلتے طرز زندگی اور تناؤ کی وجہ سے ان دنوں نوجوان بھی ان پریشانیوں کا شکار ہیں۔انڈین آرتھوپیڈک ایسوسی ایشن نے ان مسائل کے بڑھتے ہوئے قہر کو مدِ نظررکھتے ہوئے 4 اگست کو منائے جانے والے نیشنل بون اینڈ جوائنٹ کے دن کے سلسلے میں ملک بھر اگست کے پہلے ہفتے میں بیداری مہم چلانے کا اعلان کیا ہے۔ اس سال کا اہم موضوع ’ ڈیجنریٹوڈیزیز کی روک تھام ‘ ہے۔ہڈیوں اور جوڑوں میں خرابیاں ہڈیوں کے بڑھ جانے ، ان کا سائز تبدیلی ہو جانے اور جوڑوں کے جھکاؤ تبدیل ہو جانے کی وجہ سے ہوتی ہیں اور ان کی وجہ سے معذوری ، افسردگی اور دیگرطبی پریشانیاں ہوتی ہے۔ اس کی وجہ سے ، مریضوں کو اپاہج زندگی بسر کرنی پڑتی ہے اور مریضوں کو ان پریشانیوں کے علاج میں بہت زیادہ خرچ کرنا پڑتا ہے۔