بلغراد۔ 16 جون (سیاست ڈاٹ کام) سرب ٹینس اسٹار نووک جوکووچ اپنے ہی ٹورنمنٹ سے باہر ہونے کے بعد رو پڑے۔نووک جوکووچ نے گذشتہ دنوں جرمنی کے زویریف کو مات دی تاہم بہتر پوزیشن کی وجہ سے ہم وطن فلپ کراجینووک فائنل میں پہنچ گئے جنھیں بعد میں ڈومینک تھیم نے زیر کر کے ٹائٹل جیت لیا۔قبل ازیں اپنے مقابلے کے بعد 4 ہزار سے زائد ہوم کراڈو کے سامنے جوکووچ کی آنکھوں میں آنسو آگئے، انھوں نے کہاکہ میں ٹورنمنٹ سے باہر ہونے کی وجہ سے نہیں رو رہا بلکہ مجھے یہاں پر کھیل کر اپنے بچپن کے دن یادآگئے اس لیے جذباتی ہوگیا، اس موقع پر جوکووک کو حریف پلیئرز کی جانب سے نشستوں سے کر خراج تحسین پیش کیا گیا۔