مونٹی کارلو۔ عالمی نمبرایک نواک جوکووچ شکست کے بعد مونٹی کارلو ٹینس ایونٹ سے باہر ہوگئے۔فرانس میں رواں ٹینس ٹورنمنٹ کے میچ میں جوکووچ کامقابلہ برطانیہ کے ڈان ایوان سے ہوا۔ جوکووچ شروعات سے ہی اچھا کھیل پیش نہ کر سکے جبکہ ایوان نے شروع سے ہی میچ پر اپنی گرفت مضبوط رکھی اور عالمی نمبر ایک کو ایونٹ سے آوٹ کر دیا۔انہوں نے جوکووچ کو6-4 اور 7-5 سے شکست دے کر کوارٹر فائنل میں اپنی جگہ بنائی۔دوسری طرف رافل نڈال نے گریگور دیمتریوکے خلا ف کھیلے گئے میچ میں شروع سے اپنی گرفت مضبوط رکھی اور گریگور کو 6-1 اور 6-1 سے شکست دے کر کوارٹر فائنل میں جگہ بنالی۔دیگر مقابلوں میں آندرے روبلو نیروبرٹو بٹسٹا کو ہرایا جس کے بعد وہ اب کوارٹرز میں نڈال کا مقابلہ کریں گے۔ کیسپر رڈ فیبیو فوگینی نے بھی اپنے اپنے میچز جیت کر کوراٹر فائنل میں جگہ بنانے میں کامیاب ہوگئے ہیں۔
