فلوریڈا۔ سربیا کے ٹینس کھلاڑی نوواک جوکووچ اٹلی کے لورینزو موسیٹی کو شکست دے کر میامی اوپن کے کوارٹر فائنل میں پہنچ گئے ۔دنیا کے پانچویں نمبرکے جوکووچ نے آج یہاں بارش کی وجہ سے تاخیر سے شروع ہونے والے میچ میں لورینزو موسیٹی کو 6-2، 6-2 سے شکست دی۔ چھ بار میامی خطاب جیتنے والے جوکووچ نے سست آغازکیا اور اٹلی کے مسیٹی نے اس کا فائدہ اٹھاتے ہوئے 2-0 کی برتری حاصل کی لیکن اس کے بعد سربیائی کھلاڑی نے میچ پر مکمل طور پر غلبہ حاصل کر لیا۔ خواتین کے ڈرا میں چھٹی سیڈ اٹلی کی جیسمین پاؤلینی نے پولینڈ کی میگڈا لینیٹ کو 6-3 6-2 سے ہرا کر آخری چار میں جگہ بنائی۔
